რუსთავის მუნიციპალური რეფორმებისა და სერვისების განვითარების ცენტრმა, მუნიციპალიტეტებს შორის თანამშრომლობის განვითარებისა და გაძლიერების მიზნით, საინფორმაციო პროექტი დაიწყო. პროექტის ფარგლებში, პირველ ეტაპზე, რუსთავს საქართველოს ცამეტი მუნიციპალიტეტის წარმომადგენლები ესტუმრნენ და ქალაქში განხორციელებულ რეფორმებსა და ახალ მუნიციპალურ სერვისებს გაეცნენ. სტუმრებმა მიიღეს ინფორმაცია ჩვენი ცენტრის მიერ განხორციელებული პროექტების შესახებ, რომლებიცაა მუნიციპალური სერვისების, საბიბლიოთეკო, სპორტის განვითარების ცენტრის, მუნიციპალური ინსპექციისა და არაფორმალური განათლების რეფორმები. საინფორმაციო ტური მოიცავდა ექსკურსიას სხვადასხვა ლოკაციებზე, მათ შორის სპორტის საგანმანათლებლო მუზეუმი, მედიათეკა, მუნიციპალური სერვისების ცენტრი, ახალგაზრდობის სასახლე, რუსთავის ისტორიული მუზეუმი და ციხე-სიმაგრე და ციფრული განვითარების სივრცე.